Hoe Parkinson spierbeheer en beweging beïnvloed

• Die eerste bewegingsimptoom is dikwels bewerige en rukkerige handbewegings, gevolg deur bewerige bewegings van die arms, bene en gesig.
• Die pasiënt se bewegings word stadig en hy loop dikwels teen 'n skuifelpas.
• Gesigspierbewegings is verstok sodat die gesig dikwels uitdrukkingloos en maskeragtig lyk.
• Mettertyd is daar ál meer balansprobleme, groot swaaibewegings van die arms, bene en lyf, en moeite met bewegings soos om in die bed om te draai.
• Disartrie – die pasiënt sukkel met spraakartikulasie weens koördinasieprobleme tussen die tong en ander spiere in die mond. Dit word moeilik om woorde mooi te vorm en duidelik uit te spreek, en daar word ál meer gemompel.

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)