advertisement
12 January 2009

Dwelmmisbruik op skool neem vinnig toe

Dwelmmisbruik onder kinders het die afgelope sewe jaar verdubbel en al hoe jonger kinders eksperimenteer met dwelms.

0

Dwelmmisbruik onder kinders het die afgelope sewe jaar verdubbel en al hoe jonger kinders eksperimenteer met dwelms.

So sê Grant Jardine, bestuurder van die jeuguitreikprogram by die Kaapstadse Dwelmvoorligtingsentrum waar hulle jaarliks tot 900 mense behandel.

Volgens Mnr. Jardine het tussen ‘n derde en ‘n helfte van seuns voor Graad 11 al onwettige dwelms gebruik. Die meeste van hulle het voor die ouderdom van dertien reeds begin om te eksperimenteer.

“Dit is ‘n groot bekommernis,” sê Mnr. Jardine. “As kinders op ‘n vroeë ouderdom begin, is die kanse dat hulle verslaaf sal word, baie groter.”

Die mees algemene dwelms wat gebruik word, is alkohol, dagga, mandrax, “crack”, kokaïne en heroine.

Ongelukkig is daar niks wat ouers kan doen om te verhoed dat hulle kinders aan dwelms blootgestel word nie. Dwelmmisbruik kom in alle skole voor en alle kinders sal op een of ander stadium moet besluit of hulle met dwelms gaan eksperimenteer of nie.

Hoe beskerm ek my kind teen dwelms?
Volgens Mnr. Jardine kan ouers hulle kinders voorberei vir die dag wat hulle hierdie besluit moet neem. Hy gee die volgende riglyne:

  • Lig eerstens jouself in oor dwelms. Dit sluit die beskikbaarheid, voorkoms en nagevolge in.
  • Bespreek dwelms met jou kind.
  • Luister na jou kind en moenie moraliseer of preek nie.
  • Moenie bangmaakstories vertel nie. Dit werk nie.
  • Probeer om die situasie van sy/haar kant te verstaan.

Hoe kan ek ‘n dwelmprobleem identifiseer?
As jou kind dwelms gebruik, is daar ‘n verandering in sy algehele gedrag. Moenie paniekerig raak as jou kind net een of twee kenmerke toon nie.

Kyk uit vir die volgende tekens:

  • Tekens van bybehore wat gebruik word vir dwelmgebruik. Dit sluit in gebreekte bottelnekke, gebrande lepels, lemmetjies en foelie.
  • Rooi oë en/of vlekke op hande
  • Skielike gewigsverlies of toename
  • Sleeptong praat
  • Onsamehangende gesprekke en vinnige verandering van een onderwerp na die ander
  • Verlies van belangstelling in en genot van dinge wat hy voorheen geniet het
  • Verandering van kleredrag en vriende
  • Swakker prestasie op skool.

Ilse Terblanche, Health24

 
advertisement

Get a quote

advertisement

Read Health24’s Comments Policy

Comment on this story
0 comments
Add your comment
Comment 0 characters remaining

Live healthier

Vitamin wise »

Vitamins for HIV What to eat for vitamin B? Cut down on vitamins

Get your vitamins right

Find out which vitamin to use for which condition. Ask our Vitamin expert.

Yoga »

Exercise time? Yoga mats matter Yoga and sleep

What yoga can do for you

Yoga is a stress-buster, but it also helps with anxiety, depression, insomnia, back pain and other ills.