Sielkunde
Wat is die simptome van bipolêre steurnis?
- Die pasiënt se gemoed, energie en vermoë om te funksioneer ry dramaties wipplank. Episodes van diep depressie en abnormale euforie (ook bekend as manie) wissel mekaar af.
- Simptome van maniese episodes sluit in hewige prikkelbaarheid, woede, aggressie, rusteloosheid, hope energie, min behoefte aan slaap, opgeblase selfbeeld, spraaksamigheid, drankmisbruik en onbesonne optredes soos duur inkopietogte.
- Simptome van depressiewe episodes sluit in hartseer, verlies van belangstelling in plesierige aktiwiteite, gevoelens van skuld en wanhoop, baie swak selfbeeld, slaapversteurings, aptytversteurings, futloosheid, geheueprobleme, rusteloosheid, prikkelbaarheid en selfmoordgedagtes.
Bonuswenk
In ernstige gevalle kan pasiënte aan wanvoorstellings of hallusinasies ly. Tydens ’n maniese episode kan iemand byvoorbeeld glo hy is die president.
Het jy geweet?
Die ou naam vir bipolêre steurnis is maniese depressie.
(Huisgenootbrokkies)