advertisement
11 September 2009

Ag nee, sies man!

Kry blitsfeite oor 'n paar gewone en ongewone dinge waaroor 'n mens nie juis praat nie.

0

Kry blitsfeite oor 'n paar gewone en ongewone dinge waaroor 'n mens nie juis praat nie.
Deur die Huisgenoot-POLS-verslagspan

Die stinkbom in jou broek
’n Mens produseer gemiddeld 1 liter gas in ongeveer veertien klein verpakkings per dag. Die presiese samestelling van die gas hang af van die kos wat jy geëet het, hoe baie lug jy die dag gesluk het, die soorte bakterieë in jou dermkanaal en hoe lank jy die wind probeer terugknyp.

Dis die bietjie swawel- en stikstofverbindings afkomstig van die kos wat nie behoorlik verteer het nie, en die dikderm-bakterieë wat die reuk veroorsaak. Die swawelverbindings is hoofsaaklik waterstofsulfied (die gas wat soos vrot eiers ruik) en merkaptaan. Stikstofryke verbindings is hoofsaaklik skatole en indole. Swawelryke kosse soos kool, eiers en vleis lei tot gasse wat slegter ruik. Boontjies produseer wel baie gasse, maar nie so ’n slegte reuk nie.

Het jy geweet? Die druk van elke windjie is amper twee keer meer as die druk in jou motorbande.

'n Mens kan meer as twee tepels hê
Het jy geweet dat twee persent van alle vroue en een persent van mans ’n derde of selfs meer tepels het?

Een vrou het selfs tien tepels gehad wat almal tot volwaardige borste ontwikkel het. Die ekstra tepels lê op die mens se melklyne wat aan weerskante van die bors van die armholte regdeur die normale tepelposisie tot in die lies loop.

Dit kan soos ’n moesie lyk of selfs soos ’n herkenbare tepel, en in seldsame gevalle tot borste ontwikkel.

Bekendes met ekstra tepels is die akteur Mark Wahlberg en die sangeres Lily Allen.

Vra jou dokter om die ekstra tepel te verwyder as dit jou pla.

’n Platte of punt-in die-wind
Die meeste mense se naeltjies is plat, maak ’n holtetjie en het ’n netjiese halfmaantjie vel aan die bokant.

Die onderkant van die naeltjie heg gewoonlik aan die buitenste maagspiere vas. As daar littekenweefsel vorm tussen die naeltjie en die spierwand, druk die weefsel en die bietjie vetweefsel onder die vel die naeltjie na buite.

As die naeltjie woes uitstaan, is dit dalk ’n naeltjiebreuk wat reggemaak moet word anders kan die dunderm tussen die opening in die maagspiere vasgeknyp word.

Die naeltjie is die oorblyfsel van die naelstring van ’n baba wat net na geboorte afgesny word.

167km/h
Die spoed waarteen ’n griepvirus vorentoe skiet as jy nies.

Dit trek maklik 5m ver en kan almal in sy pad aansteek.

Kliek hier vir meer inligting oor griep.

(Hierdie is 'n geredigeerde weergawe van 'n artikel wat oorspronlik in Huisgenoot-POLS / YOU Pulse verskyn het. Die jongste uitgawe is nou op die rakke.)

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Hello? »

SEE: Interesting facts about hearing loss Earworms: Let it go Is it bad to sleep with earplugs all the time?

SEE: Do women hear better than men?

The reason why men often appear not to be listening could be because they actually can't hear you.

Confident smile? »

Acidic drinks can harm your kids' smiles The facts on bleaching your teeth Am I taking good care of my teeth?

Why are my teeth stained?

We know the rules – brush your teeth twice a day and floss to keep them healthy. But, have you ever wondered what causes those stains that sometimes appear?