Ek is ''n vrou van 40 jaar. Ek het al jare poliepe in altwee my ore. My huisdokter het al genoem dat dit soos trosse druiwe lyk. Die afgelope paar jaar sukkel ek gereeld met oorpyn. Dan gooi ek oordruppels in en dan gaan dit weer beter vir ''n week of twee.

Nou wonder ek net of die poliepe nie dalk die oorsaak is vir die probleme die afgelope ruk nie. Ek voel van balans af en wanneer ek vinnig links en regs kyk dan wil ek net omval en ook as ek my oë  toemaak. My ore is effens seer en my kliere agter my ore is ook geswel. Ek kry nou ook ''n gesuis in my ore en elke nou en dan voel dit of iets soos water in my ore loop. Wat kan dit wees, want die groot rede is dat dit my gehoor bietjie aantas. Dit voel of ek nie meer so lekker kan hoor nie.

Baie dankie eers.
LJ