advertisement
09 July 2008

Sportdrankies: Hoeveel skop in die dop?

Die een gee jou vlerke, die ander laat jou vlieg. Wat is die bestanddele van die gewilde energiedrankies? Gee dit werklik kitsenergie?

0
Die rugbymanne drink dit halftyd, en die krieketouens ook. Baie mense drink dit terwyl hulle oefen, en ander hoop om lae energievlakke op te kikker selfs wanneer hulle nie oefen nie.

Gee een sportdrankie meer energie as 'n ander? Ons het by Annalie Smith, dieetkundige van die Leipoldt Sportkliniek, gaan kers opsteek.

Waarna moet 'n mens oplet?

  1. Die regte koolhidraat: Drankies wat glukose bevat, lewer vinniger energie as dié wat fruktose bevat, omdat fruktose eers in die lewer omgeskakel moet word na glukose. Glukosepolimere - wat nie 'n drankie so soet maak nie - word selfs nog vinniger geabsorbeer as glukose. Drankies met glukose, asook 'n goeie konsentrasie natrium, kalium en chloried, het drie voordele bó die drink van water: die glukose verhoed dat die bloedsuikervlak laag daal en gee kitsenergie en die elektroliete help dat meer vloeistof deur die liggaam geabsorbeer word as in die geval van water.
  2. Hoeveel koolhidrate vir energie: 'n Drankie moet minstens 6 - 10g glukose per 100ml vloeistof bevat om voldoende energie te verskaf vir mense wat langer as 'n uur oefen. Die liggaam absorbeer koolhidrate teen 'n maksimumtempo van 1g/minuuut en kan dus maksimaal 60g/uur absorbeer. Drankies wat minder as 6g glukose/100ml bevat, sal te min energie verskaf vir diegene wat ‘n uur oefen, en met meer as 10g glukose/100ml word die glukose deels nie geabsobeer nie.
  3. Wanneer? Mense wat oefen - of hulle 'n uur oefen of twee ure - moet liefs die energiedrankies binne die eerste halfuur van oefening inneem sodat die drankies kans het om te begin werk. Diegene wat twee ure lank oefen, moenie die drankies eers ná 'n uur drink as hulle begin ontwater nie en dadelik kistenergie verwag nie. Dit duur 'n rukkie voordat die glukose geabsorbeer word, en nog langer voordat fruktose se energie beskikbaar word.
  4. Elektroliete: Natrium, chloried en kalium is die belangrikste elektroliete. Hoewel sommige mense glo dat spierkrampe die gevolg is van 'n magnesiumtekort, is die wetenskaplike bewyse nog nie voldoende om dié stelling 'n voldonge feit te maak nie.
  5. Vitamiene in energiedrankies gee nie kitsenergie nie, maar kan help, veral as jy die dag nie gesond geëet het nie. 'n Vitamienpil of -bruistablet is egter 'n goedkoper opsie vir vitamien-aanvullings.
  6. Kafeïen is 'n stimulant wat jou brein wakkerder maak en energiek laat voel. Kafeïen versnel die verbranding van vet in die liggaam. Die Suid-Amerikaanse bestanddeel guaraná is soortgelyk aan kafeïen.
  7. Taurien: ‘n Groot ophef word in sommige kringe gemaak van dié aminosuur wat volgens sommige wetenskaplikes moegheid beveg. Meer studies is egter nodig om dié aansprake te bewys.
Powerade
Voldoende koolhidrate in kitsenergie-vorm, en die regte elektroliete vir goeie absorbsie van vloeistof.

Energade
Voldoende koolhidrate in kitsenergievorm en voldoende elektroliete vir vinnige vloeistof-absorbsie.

ESR
Baie (te veel om te absorbeer) koolhidrate in kitsenergie-vorm.

Cytomax
Dit bevat genoeg kitsenergie-koolhidrate, en meer elektroliete. Die absorbsie van glukose en vloeistof is danksy dié hoë elektrolietkonsentrasie baie goed.

Isostar
Die produk kan verkry word in vloeistofvorm of die poeier kan teen die verlangde konsentrasie met water gemeng word. Genoeg kitsenergie-koolhidrate.

Fastfuel
Die verbruiker kan self die poeierdrankie meng en dus die konsentrasie glukose en elektroliete beheer sonder dat die drankie te soet word. Dié poeier word ook gebruik vir koolhidraat-belading vóór 'n energietappende langafstand-sportgebeurtenis soos 'n marathon of fietstoer.

Red Bull
Red Bull bevat voldoende koolhidrate, asook B-vitamiene, kafeïen en taurien. 'n Mens kan netsoveel B-vitamiene inneem deur 'n volgraantoebroodjie te eet of 'n multivitamien-pil te sluk. 'n Blikkie Red Bull bevat soveel kafeïen soos drie tot vier koppies koffie. Taurien beveg moontlik moegheid.

Slotsom
Indien jy kitsenergie soek, kies 'n drankie met meer as 6g/100ml glukose of glukosepolimere, en voldoende natrium, chloried en kalium vir goeie vloeistof-absorbsie.

- (Health24, updated July 2008)

 
NEXT ON HEALTH24X
advertisement

Read Health24’s Comments Policy

Comment on this story
0 comments
Comments have been closed for this article.

Live healthier

Watch out! »

Gross fungal infections you can pick up at the gym

You go to gym to exercise. But make sure the only thing you pick up is a dumbbell and not one of these gross fungal infections.

Holiday health »

Your 10-step asthma holiday checklist

Don’t let asthma ruin your summer holiday. Whether you are travelling or embracing the summer at home, make sure you plan ahead.